أداتين بس يكفوك

• كتابة وتفكير وشرح (بوستات، إيميلات، خطط): Claude أو ChatGPT. الاتنين عندهم نسخة مجانية قوية.
• مذاكرة من فيديوهات وPDFs ومحاضرات: Gemini Notebook (اللي كان اسمه NotebookLM). بتديله مصادرك (PDF، لينك يوتيوب، Google Docs) ويطلّعلك ملخص وMind Map وكويز وFlashcards وملخص صوتي (Audio Overview)، وإجاباته بتشاور على المصدر.
• صفحات وأدوات صغيرة (حاسبة، كويز، صفحة لمحلك): Claude Artifacts. ببلاش.
• مواقع كاملة وأتمتة على جهازك: Claude Code. محتاج Claude Pro ($20 في الشهر).
• لو يومك كله Gmail وGoogle Docs: Gemini، ومعاه Gems (مساعد بتظبطه على مهمة واحدة). Google قالت إن Gems هتتحول لـ «skills» في الحسابات الشخصية من نوفمبر 2026.
• صور: ChatGPT وGemini بيعملوا صور. Claude مش بيعمل صور.

• ChatGPT المجاني: موديلات GPT-6 Luna وGPT-5 Thinking Mini، صور، كلام بالصوت، ذاكرة، رفع ملفات بحدود، وDeep Research (بحث طويل بمصادر) بعدد محدود.
• Gemini المجاني: 3.6 Flash ووصول متغيّر لـ 3.1 Pro، وDeep Research، وGems، وCanvas (مساحة جنب الشات تكتب أو تبني فيها).
• Gemini Notebook المجاني: لحد 100 notebook، وفي كل واحد لحد 50 مصدر. ده كفاية لسنة دراسة كاملة.
• Claude المجاني: Sonnet وHaiku، وArtifacts، وذاكرة، وبحث في الإنترنت، ولحد 5 Projects. (التفاصيل في ملف «كل اللي تعمله ببلاش في Claude»).

نصيحةالمزايا دي بتتغير كتير. اللي هنا متراجع يوم 8 أكتوبر 2026، فلو حاجة مش ظاهرة عندك، بص على صفحة الأسعار الرسمية.

الأساسية: اللي بتفتحها كل يوم للكتابة والتفكير. المساعدة: لشغلانة واحدة الأساسية مش بتعملها كويس. أي أداة تالتة استناها لحد ما تحتاجها فعلًا.

• طالب: Claude (أساسية) + Gemini Notebook (مذاكرة المحاضرات والفيديوهات).
• موظف في شركة شغالة بـ Google: Gemini (أساسية جوه Gmail وDocs) + Claude (كتابة وتفكير أعمق).
• صاحب محل صغير: Claude (بوستات وردود وأدوات صغيرة) + ChatGPT أو Gemini (صور المنتجات والإعلانات).
• عايز تبني مواقع: Claude، ولما تبقى جاهز تدفع Claude Code + Gemini Notebook عشان تتعلم.

ساعدني أختار أداتين AI بس، أداة أساسية وأداة مساعدة.

عني: [طالب / موظف / صاحب محل… وبتعمل إيه]
أكتر 5 حاجات بعملها في الأسبوع:
1) [..]
2) [..]
3) [..]
4) [..]
5) [..]
الميزانية: [ببلاش بس / ممكن أدفع لحد كذا في الشهر]
بشتغل من: [الموبايل / اللابتوب / الاتنين]، وبستخدم [Gmail / Google Docs / ولا حاجة منهم].

قبل ما ترشّح، اسألني 3 أسئلة، سؤال واحد كل مرة.
وبعدها:
- الأداة الأساسية والمساعدة، وكل واحدة هتعمل أنهي حاجة من الـ 5 بالظبط.
- لو ميزانيتي ببلاش، متقترحش حاجة مدفوعة.
- أول 3 حاجات أجرّبها النهارده.
- لو مش متأكد إن ميزة معينة لسه موجودة في النسخة المجانية، قولّي أتأكد منها.

15 دقيقة في اليوم، على أداتك الأساسية بس.

1. يوم 1: اعمل الحساب، واكتب 3 مهام حقيقية من أسبوعك.
2. يوم 2: اعمل أول مهمة بطلب كامل: انت مين + عايز إيه + الشكل.
3. يوم 3: نفس المهمة، بس قوله «اسألني 3 أسئلة الأول». قارن النتيجتين.
4. يوم 4: ارفع ملف (PDF أو صورة) واسأل عليه.
5. يوم 5: اعمل مكان ثابت ليه تعليمات (Project في Claude، أو Gem في Gemini، أو التعليمات الشخصية في الإعدادات).
6. يوم 6: علّمه أسلوبك: الصق 3 حاجات انت كاتبها.
7. يوم 7: راجع: إيه اللي وفّر وقت؟ احفظ أحسن 3 طلبات.
8. يوم 8: اعمل حاجة شغالة: Artifact في Claude أو Canvas في Gemini.
9. يوم 9: اسأل سؤال محتاج معلومة حديثة، وافتح المصادر بنفسك.
10. يوم 10: اطلب منه ينتقد شغلك (CV، بوست، خطة) بصراحة.
11. يوم 11: حوّل مهمة بتتكرر لطلب جاهز «قالب» فيه [ ].
12. يوم 12: جرّبه من الموبايل أو بالصوت.
13. يوم 13: علّم حد تاني حاجة اتعلمتها.
14. يوم 14: اكتب «ورقة أداتي»: أحسن 5 طلبات + 3 حاجات مش بتعملها كويس. ودول بالظبط شغل الأداة المساعدة.

هتشوففي يوم 14 هيبقى عندك ورقة طلبات جاهزة ليك انت، ومكان ثابت فيه تعليماتك، وفكرة واضحة الأداة المساعدة هتعمل إيه.

انا ماشي على خطة 14 يوم أتقن فيها [اسم الأداة]. النهارده يوم [رقم]، والمهمة: [انسخ مهمة اليوم].
شغلي أو دراستي: [..]
ادّيني تمرين واحد بس على المهمة دي من حياتي، يخلص في 15 دقيقة، والخطوات بالترتيب.
ولما أخلّص وأبعتلك النتيجة، قولّي حاجة واحدة عملتها كويس وحاجة واحدة أحسّنها بكرة.