الاختلاف كله في الطلب: «حل الواجب» بيخلّيك ناسي كل حاجة يوم الامتحان. «فهّمني وامتحنّي وقولّي غلطت فين» بيخلّيه معلّم خصوصي مبيزهقش.
نصيحةكل كلية ليها قواعد عن استخدام الـ AI. بص عليها، وخلّي الشغل اللي بتسلّمه شغلك انت.
افهم أي حاجة على 3 مستويات
فهّمني [الموضوع] على 3 مستويات: 1) كأني عندي 10 سنين، بتشبيه من الحياة 2) كأني طالب في [سنتك]، بالكلمات الصعبة ومعناها 3) زي ما الامتحان بيسأل: إيه اللي لازم أكتبه في الإجابة وبعدها اسألني سؤال واحد تتأكد بيه إني فهمت.
ليه شغال؟التشبيه بيفهّمك، والمستوى التالت بيخلّيك تجاوب في الامتحان، والسؤال في الآخر بيكشف لو لسه فيه حاجة ناقصة.
معلّم بيسألك بدل ما يحل
عايزك تبقى معلّم ليا في [المادة]. متدينيش الحل على طول. اسألني سؤال واحد كل نوبة يوصّلني للخطوة الجاية، ولو غلطت قولّي فين من غير ما تقول الإجابة. لو اتلخبطت 3 نوبات ورا بعض، اديني تلميح أوضح. المسألة: [..]
ليه شغال؟الحل اللي توصله بنفسك بيفضل معاك يوم الامتحان. و«3 نوبات» بتمنعك تفضل متعلّق.
- عايزه يمشي كده على طول؟ Settings ← Capabilities ← شغّل «Code execution and file creation».
- Customize ← Skills ← دوّر على Skill اسمها «learn» من Anthropic ← Try.
- في أي شات بعدها: لو مستخدمهاش لوحده، قول «استخدم learn».
مش فاهم خالص؟ دوّر على الحتة الناقصة
أنا مش فاهم [الموضوع] خالص. قبل ما تفهّمني: إيه الحاجات اللي لازم أكون فاهمها قبله؟ اسألني فيهم واحدة واحدة، وأول ما تلاقي حاجة أنا مش فاهمها، فهّمهالي الأول، وبعدين كمّل.
ليه شغال؟ساعات المشكلة مش في الموضوع، في حاجة قبله فاتتك.
من ملزمتك انت بس
- ارفع الـ PDF من علامة + ← Add files or photos.
- لحد 100 صفحة: Claude بيشوف الكلام والجداول والأشكال. أكتر من كده: الكلام بس. فيه جداول مهمة؟ قسّم الملف.
- المادة هتفضل معاك طول السنة؟ حط الملزمة في Project للمادة (المجاني فيه 5).
فهّمني [الجزء] من الملف ده بس. حط جنب كل معلومة رقم الصفحة. لو حاجة مش في الملف قول «مش في الملف» ومتجيبش معلومات من برّه.
ليه شغال؟الامتحان بييجي من الملزمة، مش من النت. والصفحة جنب كل معلومة عشان تتأكد بعينك.
امتحن نفسك… وافهم غلطك
امتحنّي في [الجزء] من الملف: 8 أسئلة متنوعة (اختيار من متعدد، وصح وغلط، وسؤال مقالي قصيّر). سؤال واحد كل نوبة واستنى إجابتي. بعد كل إجابة: صح ولا غلط، وليه، ورقم الصفحة. وفي الآخر: الأسئلة اللي غلطت فيها تاني بصيغة جديدة.
ليه شغال؟لو غلطت في حاجة واتسألت فيها تاني بشكل تاني وجاوبت صح، يبقى فهمتها مش حافظ الإجابة.
هتشوفجاوب من دماغك من غير ما تبص في الملزمة. حتى 3 أسئلة بس أحسن من ولا حاجة.
اشرحها انت… وهو يصحّح
أنا هشرحلك [الموضوع] بكلامي. صحّحني: إيه اللي قلته صح، وإيه اللي ناقص أو غلط. متكتبش الشرح الكامل، قولّي بس أركّز على إيه واسألني سؤال فيه.
ليه شغال؟انت اللي بتفكّر، وهو بس بيوجّه. دي أقوى طريقة تتأكد إنك فاهم.
صفحة ليلة الامتحان من غلطك
من الشات ده: اعمللي صفحة واحدة لليلة الامتحان: الحاجات اللي غلطت فيها وإجابتها الصح، والكلمات الصعبة ومعناها، و5 حاجات لازم أفتكرها. نقط قصيّرة، وجنب كل نقطة رقم الصفحة.
ليه شغال؟الملخص الجاهز فيه حاجات انت فاهمها أصلًا. الصفحة دي فيها اللي بيوقعك انت بس.
اعملها ملف PDF أطبعه.
لأي حد
- ابنك في ثانوي: اقعد معاه واكتب انت، وزوّد في أول أي طلب: «ابني في [السنة] ثانوي، والمنهج بتاعه: [اسم الكتاب أو الملزمة]». الكتاب بتاعه هو اللي تمشوا عليه.
- بتتعلّم لوحدك (Excel، لغة…): «امتحنّي في دوال Excel الأساسية: سؤال واحد كل نوبة، وقولّي غلطت فين».
- أب أو أم: طلب المعلّم + «ابني في [السنة]، كلّمه بكلام بسيط ومتدّيلوش الحل». Claude للكبار (18+)، فاقعد انت مع ابنك واكتب انت.
أنا كتبت: «النبات بياخد ضوء الشمس والمية ويطلّع أكل.»
✓ صح: ضوء الشمس والمية، والنبات بيعمل أكله بنفسه. ⚠️ ناقص: النبات بياخد حاجة كمان من الهوا. إيه هي؟ وبيطلّع إيه في الهوا غير الأكل؟ سؤال: لو حطينا النبات في أوضة ضلمة أسبوع، إيه اللي هيحصل وليه؟
لو حاجة مش مظبوطة
حل المسألة على طول رغم الطلب
قوله: «قلتلك متدينيش الحل. ارجع للسؤال الأول». أو استخدم Skill learn.
جاب معلومات مش في الملزمة
قوله: «من الملف بس، وحط الصفحة. اللي مش في الملف قول مش موجود».
الأسئلة سهلة أوي
قوله: «خلّي الأسئلة زي مستوى الامتحان، وزوّد أسئلة فهم مش حفظ».
الـ PDF مش بيتقري
غالبًا صفحات متصوّرة. ارفع صفحات أقل، أو صوّرها واضحة.
الشات طوّل
خد صفحة ليلة الامتحان منه، وابدأ شات جديد.
- Skill «learn»
- Skill جاهزة من Anthropic بتخلّي Claude يعلّمك خطوة خطوة
- Project
- مكان للمادة: الملزمة + التعليمات + الشاتات
- Code execution
- إعداد لازم يبقى شغال عشان الـ Skills والملفات
اعمل Project لأصعب مادة، حط فيه الملزمة وتعليمات المعلّم، وامتحن نفسك فيه 3 أسئلة كل يوم.
المصادر: Claude: Upload files (PDF لحد 100 صفحة بالجداول) · Claude: What are Projects