شوف فلوسك بتروح فين

اعمللي Artifact (صفحة تفاعلية) أتابع بيها مصاريفي الشهرية بالجنيه المصري.

عني: [طالب / موظف / ست بيت] في [المدينة]، وبصرف في الشهر حوالي [المبلغ] جنيه.

الأنواع والميزانية الشهرية لكل نوع:
- أكل وشرب: [..] جنيه
- مواصلات: [..]
- فواتير (كهربا، نت، كارت موبايل): [..]
- خروج: [..]
- هدوم: [..]
- تعليم (دروس، كورسات، كتب): [..]
- صحة: [..]
- تاني: [..]

الصفحة فيها:
1) فورم صغيرة: الحاجة، المبلغ، النوع، التاريخ.
2) جدول بكل المصاريف، أقدر أمسح منه أي سطر.
3) لكل نوع: صرفت كام من ميزانيته، وشريط أخضر لو تحت 80%، أصفر لحد 100%، أحمر لو عدّى.
4) رسمة دايرة توريني كل نوع واخد كام في المية.
5) المجموع، والباقي من الميزانية كلها.
6) زرار «انسخ البيانات» بينسخ كل المصاريف كنص، عشان أحفظها عندي.

التصميم: عربي من اليمين للشمال، بسيط، ومريح على الموبايل.
حط فيها المصاريف دي من الأول:
[الصق مصاريفك هنا، كل مصروف في سطر]

لو مصروف مش عارف نوعه، حطه في «تاني» وقولّي عليه تحت الصفحة.

ليه شغال؟لما تحدد الأنواع والميزانية وشكل الصفحة من الأول، بيطلع اللي في دماغك من أول مرة بدل 5 محاولات.

بص على مصاريفي في الصفحة دي وجاوبني:
1) إيه أكتر 3 أنواع بصرف فيهم؟ وفيه مصاريف صغيرة بتتكرر وبتتجمع لمبلغ كبير؟
2) فين عدّيت الميزانية؟ واديني 3 أفكار عملية أقلل بيها في النوع ده من غير ما أحرم نفسي.
3) لو عايز أحوّش [المبلغ] جنيه في الشهر، أقلل من أنهي أنواع وبكام؟ اعرضها في جدول.

اتكلم عن الأرقام اللي قدامك بس، ومتدخلش في استثمار أو أسهم أو شهادات بنك.

ليه شغال؟الأسئلة دي بتخلي Claude يحلل أرقامك انت، مش يديك نصايح عامة من النت، والسطر الأخير بيخليه في حدود مصروف البيت.

زوّد في الصفحة اختيار للشهر، وجدول صغير يقارن الشهر ده باللي قبله لكل نوع: زاد ولا قلّ، وبكام.

زوّد خانة «هدف التحويش» (مثلًا 1000 جنيه في الشهر)، وشريط يوريني قرّبت منه قد إيه، وجملة تشجيع قصيرة بالمصري لما أوصل 50% و100%.

زوّد زرار ينزّل كل المصاريف كملف CSV أقدر أفتحه في Excel أو Google Sheets.