12 غلطة بتخلّي ردود الـ AI ضعيفة

عايز هدية لأختي. عندها [السن] سنة، وبتحب [هواياتها].
معايا [المبلغ] جنيه، ومحتاج الهدية توصل يوم [اليوم].
اديني 5 أفكار، وجنب كل فكرة: ليه مناسبة ليها، وأجيبها منين تقريبًا.

ليه شغال؟الـ AI بيفهم حكاية، مش كلمتين. كل تفصيلة بتقرّب الإجابة من مقاسك.

اكتبلي إيميل لمديري أطلب فيه إجازة يوم [اليوم].
أنا لسه جديد في الشغل من [المدة]، والمدير [شخصيته: جدّي / بسيط].
السبب: [السبب].
خليه قصير ومحترم، وقول إني هخلّص [الشغل اللي في إيدي] قبلها.

ليه شغال؟الموقف هو اللي بيحدد النبرة والكلام. من غير الموقف بيكتب لشخص متخيّل.

لخّصلي المقال ده.
هقدّمه في اجتماع [عدد] دقايق قدام ناس مش متخصصين.
عايز 3 نقط بس، وأهم معلومة فيه في جملة لوحدها.
[الصق المقال]

ليه شغال؟لما يفهم «ليه»، بيعرف لوحده إيه المهم وإيه اللي يتشال. ودي نصيحة موجودة في نصايح Anthropic نفسها.

اكتبلي بوست فيسبوك لمحل حلويات اسمه [الاسم] في [المنطقة].
3 جمل بس: أول جملة سؤال يشد، وبعدها العرض: [العرض]، وتقفل بـ «اطلب على الواتساب».
إيموجي واحد بس. بلهجتنا المصرية، مش فصحى.

ليه شغال؟الشكل جزء من الطلب: عدد الجمل، الجدول، الأعمدة، الطول. لو مقلتهوش، هيختار هو.

ده عنوان عاجبني: «[الصق عنوان عاجبك]».
اكتبلي 5 عناوين لفيديو عن [الموضوع] بنفس الأسلوب ده: نفس الطول ونفس الإحساس.
استخدم كلمات جديدة.

ليه شغال؟مثال واحد بيوصف الأسلوب أحسن من فقرة وصف. Anthropic بتنصح تبدأ بمثال واحد.

اكتبلي [المطلوب، مثلًا: مسدج لصاحبي أعتذر إني مش هقدّ آجي عيد ميلاده].
اكتبها زي ما بكلّمه، في 3 جمل، وبكلام بسيط.

ليه شغال؟قول للـ AI يعمل إيه، مش ميعملش إيه. «متعملش» بتقفل باب، بس مش بتفتح باب تاني.

عدّل الـ CV ده على وظيفة [اسم الوظيفة].
استخدم بس الخبرات والأرقام اللي في الـ CV.
ابعتهولي كامل بعد التعديل، وتحته ليستة بالحاجات اللي غيّرتها.
[الصق الـ CV]

ليه شغال؟لو عايز نتيجة، قول «اعمل». ولو عايز رأي، قول «اقترح». هو بيعمل اللي انت قلته بالظبط.

عايز أفتح [المشروع] في [المكان].
قولّي 3 أسباب ممكن تخلّيه ميكسبش، و3 أسباب تخلّيه يكسب.
وبعدين قولّي أهم سؤال لازم أجاوبه قبل ما أبدأ.
اتعامل معايا كإنك ناقد صعب، مش صاحب بيجاملني.

ليه شغال؟الـ AI ساعات بيميل يوافقك، خصوصًا لما السؤال فيه الإجابة. السؤال المفتوح بيوريك الناحيتين، مش الناحية الحلوة بس.

إيه رسوم تجديد الباسبور في مصر دلوقتي؟
لو مش متأكد من أي معلومة، قول «مش متأكد».
(ولو البحث على النت شغال: حط لينك المصدر جنب كل معلومة.)

ليه شغال؟أدوات الـ AI بتحاول تجاوب دايمًا. الجملة دي بتديها الإذن تقول «مش متأكد»، فتعرف فين تتأكد بنفسك.

أنا طالب في [السنة والكلية]، وعندي امتحانات [المواد] من [التاريخ].
اعملي جدول مذاكرة بس دلوقتي: يوم بيوم، و[عدد] ساعات مذاكرة في اليوم.
الملخصات والأسئلة هطلبهم بعد ما نظبّط الجدول.

ليه شغال؟كل خطوة بتبني على اللي قبلها، وبتلحق الغلط من الأول.

تمام، الجدول ده نهائي.
لخّصلي مادة [اسم المادة] في نقط، بالترتيب اللي في الجدول.
[الصق المحاضرة أو ارفع الملف]

اعملي 10 أسئلة على الملخص ده، بإجاباتها في الآخر.
خلي فيهم 3 أسئلة صعبة شوية.

قصّرها للنص.
خليها أبسط، كإنك بتكلّم حد أول مرة يسمع عن الموضوع.
اعمل نسخة تانية بأسلوب أهدى.
إيه أضعف حاجة في إجابتك؟ صلّحها.

ليه شغال؟التحسين بييجي من الكلام اللي بعد أول إجابة. ولو الإجابة كلها بعيدة، عدّل الطلب نفسه (Edit) وابعته تاني.

أنا [مين انت: طالب / موظف / صاحب محل] في [المجال].
بستخدمك في [أكتر حاجتين بتعملهم].
كلّمني بلهجتنا المصرية وبكلام بسيط.
الإجابات تبقى قصيّرة ومنظّمة، إلا لو طلبت تفاصيل.
لو مش متأكد من معلومة قول «مش متأكد».
اسألني سؤال واحد لو حاجة مش واضحة قبل ما تبدأ.

ليه شغال؟التعليمات اللي بتتكرر مكانها الـ Project، مش كل طلب. وشات جديد لكل موضوع بيخلّي الكلام مركّز.