Claude بيفهمك من 3 حاجات: Memory (بيلاحظ من شاتاتك لوحده)، وInstructions for Claude (انت بتكتبها وبتشتغل في كل الشاتات)، وتعليمات الـ Project (لموضوع واحد). الملف ده بيظبطهم التلاتة.
قبل ما تبدأ
- حساب claude.ai (Memory شغالة في المجاني).
- لو جاي من ChatGPT: حسابك هناك والـ Memory فيه شغالة.
- 10 دقايق.
نصيحةالحاجة الوحيدة اللي في المدفوع هنا: إنك تسأل Claude عن شات قديم وهو يبحث فيه. الـ Memory نفسها مجانية.
انقل اللي ChatGPT عنده عنك
- في Claude: الاسم تحت على الشمال ← Settings ← Memory.
- عند «Import memory from other AI providers» اضغط Start import.
- Claude بيدّيك طلب جاهز: انسخه زي ما هو.
- في ChatGPT: شات جديد ← الصق الطلب ← انسخ الإجابة كلها (بتطلع في بلوك واحد).
- قبل ما تلزق: امسح أي حاجة مش عايز Claude يحفظها (بيانات بنك، حاجات عن ناس تانيين).
- ارجع لـ Claude ← الصق ← Add to memory.
هتشوفممكن ياخد وقت (لحد يوم) عشان يبان في الشاتات. نفس الخطوات بتشتغل لو كنت بتستخدم Gemini.
نصيحةاللي بيتنقل هو الحاجات اللي عنده عنك، مش الشاتات نفسها. لو فيه شات قديم مهم، انسخه وحطّه في Project.
مش لاقي Start import؟ النقل بالإيد
اكتبلي كل اللي فاكره عني من الميموري والشاتات اللي فاتت، في نقط: - اسمي وشغلي أو دراستي - الحاجات اللي بشتغل عليها دلوقتي - الأسلوب اللي بحب الإجابة بيه - أي حاجة طلبت منك تفتكرها اكتب اللي متأكد منه بس، ومتألّفش حاجة.
ليه شغال؟«اللي متأكد منه بس» بتمنع إنه يكمّل من عنده ويتنقل لـ Claude كلام مش حقيقي عنك.
دي معلومات عني من أداة تانية. احفظها عشان تستخدمها في الشاتات الجاية، وقولّي لو فيه حاجة مش واضحة: [الصق النقط هنا]
شوف Claude عنده إيه عنك… وعدّله
- Settings ← Memory: افتح أي سطر في You أو Areas، عدّله أو امسحه.
- أو من الشات: «احفظ إني بقيت شغال في التسويق، مش المبيعات» · «انسى موضوع الدايت خالص».
- عايز توقفها خالص؟ السويتش «Generate memory from chats» في نفس الصفحة.
إيه اللي عندك عني؟ اكتبه في نقط، وقولّي كل نقطة جت منين لو تقدر.
ليه شغال؟بتشوف كل حاجة في مكان واحد، وتعرف تصلّح فين.
نصيحةكل كام أسبوع افتح صفحة Memory وبص عليها: حاجات ياما بتتبدّل في حياتك.
تعليمات ثابتة لكل شات (أهم خطوة)
عايز أكتب «تعليمات لـ Claude» تتحط في الإعدادات وتشتغل في كل شات. اسألني 6 أسئلة، سؤال واحد كل نوبة واستنى إجابتي: 1) أنا مين وبشتغل إيه 2) بستخدمك في إيه أكتر حاجة 3) عايز الإجابة بأنهي لهجة 4) طولها وشكلها 5) حاجات متعملهاش 6) تعمل إيه لما تبقى مش متأكد وبعدين اكتب التعليمات في أقل من 150 كلمة، بصيغة «انت…»، عشان ألزقها زي ما هي.
ليه شغال؟الأسئلة بتطلّع حاجات مكنتش هتفتكر تكتبها، والحد 150 كلمة بيخلّي التعليمات واضحة ومش متناقضة.
اسمي [اسمك]، [شغلك أو دراستك] في [مدينتك]. جاوبني بالمصري البسيط. ابدأ بالإجابة على طول من غير مقدمة. خلّيها قصيّرة، ولو محتاج تفاصيل هطلبها. لو حاجة مش واضحة، اسألني سؤال واحد قبل ما تجاوب. لو مش متأكد من معلومة قول «مش متأكد». متستخدمش كلمات إنجليزي إلا أسماء البرامج.
- انسخ التعليمات.
- Settings ← Account ← Instructions for Claude ← الصق ← Save.
هتشوفأي شات جديد هيمشي على التعليمات دي من غير ما تقولها.
نصيحةخلّي التعليمات العامة قليلة. تفاصيل الشغل أو الكلية مكانها Project لوحده.
يكتب بأسلوبك (من غير Styles)
الـ Styles اتشالت من Claude. الحل: زوّد في التعليمات بوستين من بوستاتك وتحتهم الجملة دي:
لما أطلب بوست، اكتبه بنفس أسلوب البوستات دي: الطول، واللهجة، والإيموجي: [بوست 1] [بوست 2]
ليه شغال؟المثال بيوصف أسلوبك أحسن من أي كلام. وبيشتغل بأي لهجة: مصري، خليجي، شامي.
3 حاجات متحطهاش في التعليمات
- كلام متلخبط ومتناقض («خلّيها قليلة» و«فصّل» في نفس الوقت).
- حاجات بتتبدّل كل شوية (منيو، مواعيد): مكانها ملف في Project.
- أي حاجة خاصة: التعليمات بتتبعت مع كل شات.
شات ميتسجّلش (Incognito)
- أيقونة الشبح فوق على اليمين ← شات Incognito: مش بيتحفظ في الشاتات ومش بيدخل الـ Memory.
- مفيد لسؤال صحي، مفاجأة بتجهّزها، أو حاجة تخص حد تاني.
- عايز الشات يتحفظ عادي بس الـ Memory متاخدش منه؟ علامة + ← Memory ← اقفلها للشات ده، قبل أول مسدج.
- بأمانة: Incognito بيختفي من عندك، بس Anthropic بتحتفظ بيه وقت محدود للأمان، ومش بتستخدمه في التدريب.
نصيحةالباسوورد، وبيانات البنك أو الكارت، والرقم القومي: برّا أي شات، Incognito أو لأ.
اختبار: فاهمك ولا لأ؟
قولّي 3 حاجات أعملها الأسبوع ده، على حسب اللي عندك عني. وبعدها قولّي في سطر: استخدمت إيه من اللي عندك عني؟
ليه شغال؟السطر الأخير بيوريك هو بيعتمد على إيه، فتعرف تصلّح الغلط في Memory أو التعليمات.
نصيحةعايز تشوف الاختلاف بعينك؟ ابعت نفس الطلب في شات Incognito: الإجابة هتطلع عامة لأي حد.
إجابات مثال: موظفة مبيعات في الإسكندرية · بستخدمه في الإيميلات وعروض الأسعار · مصري · قصيّر في نقط · متستخدمش كلمات إنجليزي كتير · لو مش متأكد قول.
انت بتساعد [الاسم]، موظفة مبيعات في الإسكندرية. جاوبها بالمصري البسيط، في نقط قصيّرة. أغلب شغلها إيميلات وعروض أسعار: خلّي الإيميل 5 جمل بالكتير ومحترم. متزوّدش أرقام أو أسعار مش في كلامها، وحط مكانها [ ]. لو مش متأكد من معلومة قول «مش متأكد». متستخدمش كلمات إنجليزي إلا أسماء البرامج.
لو حاجة مش مظبوطة
مش لاقي Start import
ممكن الاسم اتغيّر أو لسه موصلش لحسابك. استخدم النقل بالإيد (الطلبين فوق).
نقلت ومش شايف فرق
الاستيراد ممكن ياخد لحد يوم. وافتح شات جديد، مش القديم.
Claude فاكر حاجة غلط عني
Settings ← Memory وامسحها، أو قوله «انسى إن…».
التعليمات مش بتتنفّذ
اتأكد إنك عملت Save، وافتح شات جديد. وخلّيها قصيّرة ومن غير تناقض.
عايز شات خاص لمرة واحدة
أيقونة الشبح (Incognito).
- Memory
- الحاجات اللي Claude بيلاحظها عنك من الشاتات
- Instructions for Claude
- تعليمات انت بتكتبها وبتشتغل في كل الشاتات
- You · Areas
- أقسام الـ Memory اللي تقدر تعدّلها أو تمسحها
- Incognito
- شات مش بيتحفظ ومش بيدخل الـ Memory
اعمل Project لأهم موضوع في حياتك دلوقتي (الشغل أو الكلية) وحط فيه التفاصيل اللي شلتها من التعليمات العامة.
المصادر: Claude: Memory (Free/Pro/Max، Topics، Incognito، الاستيراد) · Claude: Personalization (Instructions for Claude) · Engadget: خطوات نقل الـ Memory من ChatGPT (29 يوليو 2026)