6 حاجات Claude يعملها وتوفرلك ساعات

حوّل الملاحظات دي لملف Excel أنزّله.
الأعمدة: الحاجة · الكمية · التمن (المبلغ اللي اتدفع في السطر كله) · الفئة (مثلًا: أكل، فواتير، مواصلات).
الإجمالي تحت الجدول يتحسب بمعادلة، مش رقم مكتوب.
وزوّد صفحة تانية فيها إجمالي كل فئة لوحدها.
متغيّرش ولا رقم. ولو حاجة مش واضحة (رقم أو كمية)، اسألني قبل ما تعمل الملف.

[الصق الملاحظات هنا]

ليه شغال؟«بمعادلة» بتخلّي الإجمالي يتغيّر لوحده لما تعدّل أي رقم، و«اسألني» بتمنعه يخمّن رقم مكتوب غلط.

زوّد عمود لليوم وسيبه فاضي، أنا هملاه. ونزّلي نسخة جديدة.

حوّل الصورة دي لجدول بنفس الأعمدة اللي في الصفحة.
اكتب كل كلمة ورقم زي ما هو بالظبط.
أي كلمة أو رقم مش واضح، حط جنبه علامة استفهام (؟). متخمّنش.

ليه شغال؟الخط اليدوي ساعات بيتقرا غلط. علامة الاستفهام بتوريك بالظبط فين تبص بنفسك.

ابعت كل الصور مع بعض، وقوله: «كل صفحة في جدول لوحدها، واكتب فوق كل جدول رقم الصورة.»

اعمل الجدول ده ملف Excel أنزّله.

اعملي ملف PowerPoint أنزّله، 5 سلايدات عن [الموضوع].
هقدّمه لـ [مين: دكتور في الكلية / مديري / زباين].
كل سلايد: عنوان + 3 نقط بس.
تحت كل سلايد في الـ Speaker notes: الكلام اللي هقوله في 3 جمل.
ألوان هادية، والكلام من اليمين للشمال.
استخدم النقط بتاعتي بس، ومتزوّدش أرقام أو معلومات من عندك. ولو نقطة مش واضحة أو ناقصة، اسألني.

النقط:
[الصق نقطك هنا]

ليه شغال؟«النقط بتاعتي بس» بتمنعه يزوّد أرقام مش متأكد منها، و«Speaker notes» بتديك الكلام اللي تقوله.

خلّي السلايد التالتة جدول بدل النقط، ونزّلي نسخة جديدة.

ابعتله الملف وقوله: «اعمل منه 5 سلايدات بنفس الطريقة، ومن الملف ده بس.» وبص على كل نقطة قبل ما تقدّم.

دي معلومات محلي:
- الاسم: [اسم المحل]
- المواعيد: [المواعيد]
- الأسعار: [الأسعار أو اللينك]
- المكان: [العنوان]
- التوصيل: [فيه / مفيش، والمناطق]

ودي مسدجات من زباين. اكتب لكل مسدج إجابة صغيّرة بلهجتنا المصرية، ومن المعلومات اللي فوق بس.
اكتب كل إجابة تحت رقم المسدج بتاعها.
لو السؤال مش في المعلومات دي، متألّفش: اكتب [محتاج إجابة مني].
لو فيه شكوى: اعتذر بهدوء، ومتوعدش بأي حاجة.

1) [المسدج الأول]
2) [المسدج التاني]
3) [المسدج التالت]

ليه شغال؟«من المعلومات اللي فوق بس» بتمنعه يألّف سعر أو ميعاد، و[محتاج إجابة مني] بتوريك المسدجات اللي لازم تشوفها بنفسك.

طلّعلي من الملاحظات دي جدول مهام: المهمة · مين هيعملها · الميعاد.
أي مهمة ملهاش حد أو ملهاش ميعاد، اكتب «مش محدد». متخمّنش.
وتحت الجدول: ليستة بالحاجات اللي محتاجة أسأل عليها.

[الصق الملاحظات]

ليه شغال؟«مش محدد» بتحوّل الحاجات الناقصة لأسئلة واضحة، بدل ما تضيع.

اكتبلي مسدج صغيّر لكل واحد في الجدول، فيه مهامه هو بس ومواعيدها، بلهجتنا.

اكتبلي [نوع الخطاب: طلب إجازة / شهادة خبرة / خطاب لجهة] في ملف Word أطبعه.
هيقراه: [مين]
النقط: [الصق النقط]
خليه محترم وواضح وقصيّر.
أي معلومة مش عندك (زي التاريخ أو الاسم أو رقم الموظف)، سيب مكانها [ ] ومتألّفهاش، وعلّم الأقواس بالأصفر.

ليه شغال؟الأقواس الفاضية أحسن من معلومة متألّفة. بتملاها انت في ثانية قبل ما تطبع.

نفس الخطاب بالإنجليزي، في ملف Word تاني.