خلّي الـ AI يقولك رأيه بصراحة

عايزك تبقى ناقد أمين ليا، مش مشجّع.
ده اللي عايز رأيك فيه:
[الصق الفكرة / الخطة / الكلام]

وده هدفي منه: [عايز أوصل لإيه]

القواعد:
- متبدأش بمدح. ادخل في الرأي على طول.
- لو شايف إني غلطان قولها بوضوح، حتى لو باين عليا متحمّس.
- فرّق بين «ده رأيي» و«ده شيء أكيد».
- لو ناقصك معلومة عشان تحكم، اسألني بدل ما تفترض.
- متخترعش أرقام ولا إحصائيات.

شكل الرد:
1) رأيك في سطرين: تنفع ولا لأ، وليه.
2) أقوى حاجتين فيها (بجد، مش مجاملة).
3) أضعف 3 حاجات، مرتبين من الأخطر للأقل.
4) لكل نقطة ضعف: إزاي أختبرها بسرعة وبأقل تكلفة.
5) سؤال واحد لازم أجاوب عليه قبل ما أكمّل.

ليه شغال؟انت بتديله «إذن» إنه يختلف معاك، وشكل محدد للرد فمبيلفّش. وطلب نقط القوة بيخلي النقد عادل مش قاسي.

في كل ردودك معايا:
- قول رأيك الحقيقي حتى لو مخالف لرأيي. متوافقنيش عشان تريّحني.
- لو لقيت غلطة أو نقطة ضعف في كلامي، قولها الأول، بوضوح وبهدوء.
- اذكر نقط القوة الحقيقية برضو، بس من غير مبالغة ولا كلام عام زي «فكرة رائعة».
- لو مش متأكد من حاجة قول «مش متأكد». متخترعش معلومات ولا أرقام.
- لو اعترضت عليك من غير سبب مقنع، متغيّرش رأيك. اشرحلي تاني ليه شايف كده.
- لو ناقصك معلومة مهمة عشان تحكم، اسألني الأول.

ليه شغال؟أهم سطر هو «لو اعترضت من غير سبب متغيّرش رأيك». الـ AI بيميل يرجع في كلامه أول ما تضايق، والسطر ده بيقفل الباب ده.

بص على كلامنا كله من الأول.
1) إيه الحاجات اللي كنت بتوافقني فيها وأنا غلطان أو مش متأكد؟
2) إيه أضعف حاجة في الخطة دي؟
3) لو كنت مكاني ومعاك نفس الفلوس والوقت، كنت هتعمل إيه مختلف؟
جاوب بصراحة، ومن غير مقدمة.

ليه شغال؟لما تسأله يراجع نفسه، بيطلّع حاجات كان عدّاها عشان الكلام يفضل لطيف.

دي فكرة مشروع: [الفكرة]
المكان: [المدينة / الحي] · الميزانية: [المبلغ] · وقتي: [كام ساعة في الأسبوع]

اتكلم كأنك مستثمر حريص بس عايز يساعدني:
1) مين بالظبط هيدفع، وليه هيسيب البديل اللي بيستخدمه دلوقتي؟
2) أكبر 3 أسباب ممكن تخلي المشروع ميكسبش.
3) تجربة صغيرة أعملها في أسبوع وبأقل فلوس، تبيّن الفكرة تنفع ولا لأ.
متشجعنيش ومتحبطنيش. عايز الصورة الحقيقية.

ليه شغال؟«تجربة صغيرة في أسبوع» بتحوّل النقد لخطوة عملية بدل ما يفضل كلام.

اقرا الـ CV ده كأنك مسؤول توظيف قدامه CVs كتير ومعاه ثواني لكل واحد.
الوظيفة: [اسم الوظيفة]
[الصق الـ CV]

1) بعد أول 10 ثواني، فاكر عني إيه؟
2) إيه اللي ممكن يخليك تعدّيه بسرعة؟
3) أضعف 3 سطور، وإزاي أكتبهم أحسن من غير ما أزوّد حاجة مش حقيقية.

ده بوست هنزّله على [فيسبوك / انستجرام / LinkedIn] لـ [جمهوري]:
[الصق البوست]

قيّمه بصراحة كأنك واحد من الجمهور ده وبتقلّب بسرعة:
1) هتقف عند أول سطر؟ ليه أو ليه لأ؟
2) فين الكلام اللي شكله محفوظ أو مالوش لازمة؟
3) اكتبلي 3 بدايات أقوى، من غير ما تغيّر معنى البوست.

أنا محتار بين: [اختيار 1] و[اختيار 2].
ظروفي: [الفلوس، الوقت، العيلة، أي حاجة تفرق]
أنا مايل لـ [الاختيار اللي مايل له]، فعايزك تعمل العكس:
1) دافع بأقوى طريقة عن الاختيار التاني.
2) إيه اللي ممكن أكون مش شايفه عشان أنا متحمّس؟
3) إيه المعلومة اللي لو عرفتها هتحسم القرار، وأجيبها إزاي؟
القرار قراري في الآخر، انت بس وضّحلي الصورة.

ليه شغال؟لما تقوله انت مايل لإيه وتطلب منه يدافع عن العكس، بتكسر ميله إنه يوافقك.