4 مزايا في Claude كان نفسي أعرفها من أول يوم

الـ Project زي فولدر جوه Claude ليه تعليمات ثابتة وملفات. أي شات جوّاه بيعرف التعليمات والملفات من غير ما تعيدها، وكل Project ليه ذاكرته لوحده. في المجاني لحد 5.

1. من الشريط الجانبي اختار Projects، وبعدين اعمل Project جديد.
2. سمّيه باسم جزء من حياتك: «الكلية» مثلًا.
3. في التعليمات (Instructions) الصق الطلب اللي تحت بعد ما تملاه.
4. ارفع الملفات الثابتة: جدول المحاضرات، المنهج، ليستة الأسعار.
5. افتح شات جوه الـ Project واسأل عادي.

انت مساعدي في [الكلية / الشغل / مشروعي].
عني: [سطرين: انت مين، وبتدرس أو بتشتغل إيه].
اتكلم معايا بالمصري البسيط، ومن غير مقدمات طويلة.
لما أسأل عن حاجة في الملفات اللي هنا، اعتمد عليها وقولّي من أنهي ملف.
لو المعلومة مش في الملفات، قول «مش موجودة في الملفات» قبل ما تجاوب من عندك.
لو طلبي مش واضح، اسألني سؤال واحد الأول.

• أفكار لـ 5 Projects: الكلية · الشغل · مشروعي · البيت والفلوس · حاجة بتتعلمها.

هتشوفافتح شات جوه الـ Project واسأله «انت بتساعدني في إيه؟». لازم يرد من التعليمات اللي كتبتها.

الـ Style هو طريقة الكتابة. فيه جاهز (Normal وConcise وFormal وExplanatory)، وتقدر تعمل واحد من كتابتك انت.

1. من قايمة الأدوات تحت مربع الكتابة اختار Use style.
2. Create & edit styles، وبعدين Create custom style.
3. Add Writing Example: الصق 2–3 حاجات انت كاتبها.
4. دوس Create style، واختاره قبل ما تكتب طلبك.

نصيحةلو مش لاقي Styles في حسابك، الطلب اللي تحت بيعمل نفس الشغل تقريبًا. الصقه في أول الشات، أو حطه في تعليمات Project.

دي 3 حاجات أنا كاتبها بإيدي:
[الصق بوست 1]
[الصق بوست 2]
[الصق رسالة 3]

حلّل أسلوبي في 5 نقط: طول الجمل، الكلمات اللي بكررها، الإيموجي، الهزار، وإزاي ببدأ وبخلّص.
بعد كده، أي حاجة أطلب منك تكتبها في الشات ده اكتبها بالأسلوب ده، بالمصري زيّي.

الـ Artifact حاجة Claude بيبنيها جنب الشات: صفحة، أداة، كويز، جدول بيحسب. بتجربها على طول، وبتعدّلها بالكلام.

اعمللي أداة صغيرة كـ Artifact: [حاسبة مصاريف الشهر بالجنيه].
لازم:
- بالعربي، ومن اليمين للشمال.
- تشتغل كويس على الموبايل.
- فيها خانات: [الإيجار، الأكل، المواصلات، النت، حاجات تانية]، وفي الآخر المجموع واللي فاضل من [المرتب].
- شكل بسيط ونضيف وزراير كبيرة.
اعمل أبسط نسخة شغالة الأول، وبعدين اقترح عليّ 3 تحسينات أختار منهم.

هتشوفهتظهر الأداة جنب الشات. اكتب أرقام وجرّب. لو حاجة مش شغالة قوله «الزرار ده مش بيعمل حاجة».

عايز تبعتها لحد؟ دوس Publish وانسخ اللينك العام. اللي هيفتحه مش محتاج حساب Claude.

نصيحةPublish ده للـ artifacts اللي في الشات، ومتاح في المجاني. نوع المشاركة الأحدث (Share) محتاج اللي يفتح يكون عنده حساب Claude، والمشاركة بلينك لأي حد فيه بتبقى في Pro وفوق. ولو عملت Unpublish، مش هتقدر تنشرها تاني.

Claude بيعمل ذاكرة من شاتاتك، وده شغال لوحده في المجاني. والأحلى إنك تقدر تشوف هو فاكر إيه وتعدّله.

1. Settings، وبعدين Memory: هتلاقي اللي فاكره عنك متقسّم مواضيع (Topics).
2. عدّل أو امسح أي موضوع. أو قوله في الشات: «افتكر إن…» أو «انسى…».
3. عايز شات واحد من غير ذاكرة؟ من زرار + قبل أول رسالة، اقفل الذاكرة للشات ده.
4. عايز شات مش بيتحفظ خالص؟ أيقونة الشبح فوق على اليمين (Incognito): مش بيتحفظ في الشاتات ولا في الذاكرة.
5. عايز تقفل الذاكرة كلها؟ في نفس الصفحة: Generate memory from chats.

افتكر الحاجات دي عني عشان تساعدني أحسن بعد كده:
- [اسمي، وبشتغل أو بدرس إيه]
- [بحب الردود: قصيرة / بالمصري / في نقط]
- [هدف شغال عليه الفترة دي]
وبعدين قولّي انت فاكر عني إيه دلوقتي، عشان أصلّح لو فيه حاجة غلط.

نصيحةنصيحة: سيب الذاكرة للحاجات اللي تساعدك (أسلوبك، شغلك، أهدافك). الحاجات الخاصة جدًا اسأل عنها في Incognito.