الشركات بتقرا الـ CV في ثواني. اللي بيلفت نظرهم إن الـ CV بيتكلم عن نفس الحاجات اللي هما كاتبينها في الإعلان. الملف ده بيخلي Claude يعمل كده معاك خطوة خطوة.
قبل ما تبدأ
- الـ CV بتاعك (PDF أو Word أو حتى نص).
- إعلان الوظيفة كامل (انسخه من LinkedIn أو Wuzzuf أو أي موقع).
- حساب على claude.ai (ببلاش).
نصيحةامسح رقم تليفونك وعنوانك من الـ CV قبل ما ترفعه. Claude مش محتاجهم عشان يساعدك، وتقدر ترجّعهم في الآخر.
قارن الـ CV بالإعلان
أنا هقدّم على الوظيفة دي. ده الإعلان: [الصق الإعلان كامل] وده الـ CV بتاعي: [الصق الـ CV أو ارفعه] اعمللي جدول فيه 3 أعمدة: 1) الحاجة اللي الإعلان طالبها 2) هل هي موجودة في الـ CV؟ (موجودة / موجودة بس مش واضحة / مش موجودة) 3) إزاي أبيّنها أحسن (من حاجات عندي فعلًا) وفي الآخر قولّي أهم 3 حاجات أشتغل عليها.
ليه شغال؟الجدول بيوريك الفجوة بعينك قبل ما تغيّر أي حاجة، فالتعديل بعد كده بيبقى في المكان الصح.
هتشوفهيطلعلك جدول. غالبًا هتلاقي حاجات عندك بالفعل بس مكتوبة بطريقة مش واضحة. دي أسهل حاجة تتصلّح.
خليه يسألك الأول
قبل ما تعدّل الـ CV، اسألني 5 أسئلة عن شغلي اللي فات عشان تطلّع إنجازات حقيقية أقدر أكتبها. سؤال واحد كل مرة، واستنى إجابتي.
ليه شغال؟أقوى سطر في أي CV هو إنجاز فيه رقم أو نتيجة. الأسئلة بتطلّعهولك من ذاكرتك بدل ما Claude يخمّنه.
Claude: في شغلك في خدمة العملاء، كان فيه حاجة اتحسّنت بسببك؟ انت: عملت ردود جاهزة للأسئلة المتكررة، والفريق بقى يرد أسرع.
Claude هيحوّلها لسطر زي: «عملت مكتبة ردود جاهزة للأسئلة المتكررة، فوقت الرد على العملاء قلّ بشكل واضح.» (ولو عندك رقم حقيقي زي «من ساعة لـ 15 دقيقة» حطه، ولو مش متأكد سيبه من غير رقم.)
اكتب النسخة النهائية
دلوقتي اكتبلي الـ CV من جديد للوظيفة دي: - رتّب الخبرات والمهارات بحيث الأهم للإعلان يبقى فوق. - استخدم نفس الكلمات اللي في الإعلان، بس للحاجات اللي عندي فعلًا. - كل خبرة: 3 نقط بالكتير، كل نقطة تبدأ بفعل (عملت، نظّمت، زوّدت…). - متضيفش أي خبرة أو شهادة أو رقم أنا مقلتهوش. - صفحة واحدة. وبعدها اكتبلي رسالة تقديم قصيرة (5 سطور) لنفس الوظيفة.
ليه شغال؟سطر «متضيفش أي حاجة أنا مقلتهوش» بيخلي الـ CV صادق، وده اللي بيحميك في الإنترفيو.
هتشوفهتاخد CV مترتب ورسالة تقديم. اقراهم بصوت عالي: لو فيه جملة مش شبهك، قوله يغيّرها.
عايزه بشكل جاهز للطباعة؟
اعمل الـ CV ده في صفحة واحدة شكلها بسيط ونضيف (خط واضح، عناوين، مسافات مريحة)، جاهزة أحفظها PDF.
هيظهرلك الـ CV كصفحة جنب الشات. تقدر تنزّله، أو تفتحه وتحفظه PDF من الطباعة (Save as PDF).
نفس الطريقة لـ 3 حالات
- خريج جديد: قوله «أنا لسه متخرج، ركّز على المشاريع والتدريب والكورسات».
- بتغيّر مجالك: قوله «أنا جاي من مجال [..]، طلّعلي المهارات اللي تنفع في المجال الجديد».
- عندك خبرة كبيرة: قوله «اختصر الخبرات القديمة في سطر، وركّز على آخر 5 سنين».
لو حاجة مش مظبوطة
لو حاجة مش مظبوطة
الـ CV طلع طويل
قوله: «اختصره لصفحة واحدة، وشيل أي حاجة ملهاش علاقة بالإعلان».
الكلام شكله محفوظ ومش شبهي
ابعتله فقرة كتبتها انت وقوله: «اكتب بالأسلوب ده».
كتب حاجة أنا معملتهاش
قوله: «امسح السطر ده، أنا معملتش كده»، وراجع كل سطر قبل ما تبعت.
مش عارف أرفع الملف
انسخ الكلام من الـ CV والصقه في الشات عادي.
لما يتحدد معاد الإنترفيو: «اعمللي إنترفيو تجريبي للوظيفة دي. اسألني سؤال سؤال، وبعد كل إجابة قولّي إزاي أحسّنها».