كورسات Anthropic ببلاش وبشهادة

1. Claude 101: تعرف Claude من جوه وتبدأ صح.
2. AI Fluency: Framework & Foundations: طريقة تفكير تشتغل بيها مع أي AI، مش Claude بس.
3. AI Fluency for students أو AI Fluency for Small Businesses، حسب انت مين: نفس الأفكار على حياتك انت. (وفيه نسخ للمدرسين، وللشغل الإبداعي، وغيرهم.)
4. AI Capabilities and Limitations: الـ AI بيعمل إيه كويس، وفين محتاج تراجع وراه.
5. Introduction to Claude Cowork: إزاي Claude يشتغل معاك على مهام أطول بدل ما يرد وبس.
6. Claude Code 101: أول خطوة في إنك تبني حاجات (مواقع، أدوات) بالكلام.
7. Claude Code in Action: تطبيق عملي أعمق على Claude Code.
8. لما تحب تتعمق: Introduction to Model Context Protocol (توصيل Claude بأدوات تانية)، Introduction to agent skills (تعليمه مهارات جاهزة)، Introduction to subagents (تقسيم الشغل على مساعدين).

• طالب أو موظف: أول 4 كفاية كبداية قوية.
• صاحب مشروع صغير: 1، 2، 3 (نسخة Small Businesses)، 4، 5.
• عايز تبني مواقع وأدوات: كمّل لحد 7، وبعدين اختار من 8.

نصيحةالجزء العملي في كورسات Claude Code غالبًا محتاج Claude Pro، لأن Claude Code مش في المجاني. تقدر تتفرج وتفهم الأول، وتطبّق لما تكون جاهز.

افتح الدرس، انسخ الكلام (أو النص المكتوب للفيديو لو موجود)، والصقه في Claude مع الطلبات دي بالترتيب.

أنا بذاكر كورس [اسم الكورس] من Anthropic Academy، ومستوايا في الإنجليزي [ضعيف / متوسط].
ده جزء من الدرس:
[الصق النص]

1) اشرحه بالمصري البسيط، كأنك بتشرح لحد أول مرة يسمع عن الموضوع.
2) ادّيني مثال واحد من حياتنا في مصر يوضّح الفكرة.
3) طلّعلي أهم 5 كلمات إنجليزي في الجزء ده، ومعنى كل كلمة في سطر.
اشرح اللي في النص بس ومتزوّدش عليه. لو فيه حتة مش واضحة في النص نفسه، قولّي.

امتحنّي في الجزء اللي فات.
5 أسئلة، سؤال واحد كل مرة، واستنى إجابتي.
أول سؤالين سهلين، وآخر سؤال تطبيق على موقف حقيقي من شغلي أو دراستي ([اكتب شغلك أو دراستك]).
بعد كل إجابة: صح ولا غلط، وليه، في سطرين بالكتير.
في الآخر قولّي أنهي فكرة محتاج أراجعها.

اعمللي «كارت ملخص» للدرس ده في نص صفحة:
- الفكرة الأساسية في جملة واحدة.
- من 3 لـ 5 نقط هي أهم حاجات.
- كلمتين إنجليزي مهمين ومعناهم.
- حاجة واحدة أجرّبها النهارده بإيدي على Claude.
بالمصري، وسيب المصطلحات بالإنجليزي جنب معناها.

هتشوففي آخر كل درس هيبقى عندك شرح بالمصري، و5 أسئلة جاوبتها، وكارت ملخص. اجمع الكروت في ملف واحد.

نصيحةاعمل Project اسمه «كورسات Anthropic» وحط في تعليماته: «اشرح بالمصري البسيط، وادّيني مثال من مصر، وسيب المصطلحات بالإنجليزي». كده مش هتكرر الكلام ده كل مرة.

1. لما تخلّص الكورس، افتح صفحته ونزّل الشهادة أو انسخ لينكها.
2. على LinkedIn: من بروفايلك دوّر على قسم Licenses & certifications وزوّد شهادة جديدة.
3. اكتب اسم الكورس زي ما هو بالظبط، والجهة: Anthropic، والتاريخ، وحط لينك الشهادة.
4. في الـ CV: في قسم Certifications: اسم الكورس · Anthropic · السنة.

خلّصت كورس [اسم الكورس] من Anthropic Academy.
أهم 3 حاجات اتعلمتها: [اكتبهم بكلامك، حتى لو بسيط]
وحاجة طبّقتها فعلًا: [مثلًا: بقيت بلخّص محاضراتي بطريقة كذا]

اكتبلي بوست LinkedIn قصير (5–7 سطور) بالعربي البسيط، أو بالإنجليزي لو [حدد اللغة].
من غير مبالغة، ومتقولش إني بقيت خبير. ركّز على اللي اتعلمته واللي طبّقته.